Një adoleshent u përpoq të vriste Mbretëreshën Elizabetë II gjatë një vizite në Zelandën e Re më 1981, konfirmojnë dokumentet sekrete.

Christopher Lewis, 17 vjeç në atë kohë qëlloi në drejtim të Mbretëreshës kur ajo po vizitonte qytetin Dunedin, tha Shërbimi Informativ i Sigurisë së Zelandës së Re (SIS), transmeton portali arbresh.info.

Policia kishte thënë atë kohë që zëri i të shtënës ishte shkaktuar nga rënia e një shenje trafiku, raportojnë mediat lokale.

Një ish-oficer policie dhe mediat lokale kanë sugjeruar se ka ndodhur një mbulim.

Zelanda e Re kishte frikë se udhëtimet mbretërore të ardhshme mund të anuloheshin, thuhet.

Parada mbretërore u zhvillua në Dunedin më 14 tetor 1981. Policia dhe anëtarët e publikut dëgjuan “atë që ata e morën për të shtëna”, sipas dokumenteve të deklasifikuara të marra nga sajti i lajmeve Stuff.

Lewis u arrestua pak kohë më pas dhe policia zbuloi një pushkë dhe fishekë të përdorur në një ndërtesë me pamje nga parada.

“Lewis kishte me të vërtetë fillimisht të synonte të vriste Mbretëreshën”, thonë dokumentet. Por ai “nuk kishte një pikë të përshtatshme për të gjuajtur, as një pushkë mjaft të fuqishme për sulmin”.

Lewis nuk u ngarkua me përpjekjen për të vrarë Mbretëreshën, por veprën penale që përfshijnë shkarkimin e një arme zjarri./Arbresh.info/